ಕನ್ನಡ ಹಾಡು ೬

ಸನಿಹ ಸನಿಹ ಸವಿಯೋ ಸಮಯ
ಹೃದಯ ಹಾಡಿದೆ ಹೊಸತು ರಾಗ
ನವ ಪಲ್ಲವಿಯೋ ಹಿತ ಅನುಭವೋ
ಮಧುರಾಮೃತವೋ, ಏನೋ ನಾನರಿಯೇ

ನಿನ್ನೊಡನೆ ನಾ ಕಳೆದ ಕ್ಷಣಗಳು ಜೀವನದ ಮಹಾಸುದಿನ
ನಿನ್ನೊಡನಾಟ ಕಲಿಸಿತು ನನಗೆ ಬದುಕಿನ ನೂತನ ಅರ್ಥ
ಹಾಲಲಿ ಜೇನು ಬೆರೆತ ಹಾಗಿದೆ ನಮ್ಮಯ ಪ್ರೀತಿ ಪ್ರೇಮ
ಹೂವಲಿ ಪರಿಮಳ ಬೆರೆತ ಹಾಗಿದೆ ನಮ್ಮಯ ಪ್ರೀತಿ ಪ್ರೇಮ
ಸನಿಹ ಸನಿಹ ಸವಿಯೋ ಸಮಯ ..........ಹೃದಯ ಹಾಡಿದೆ ಹೊಸತು ರಾಗ
ನವ ಪಲ್ಲವಿಯೋ ಹಿತ ಅನುಭವೋ ..........ಮಧುರಾಮೃತವೋ, ಏನೋ ನಾನರಿಯೇ

ಬಾಳಿನ ಬಳ್ಳಿಗೆ ಆಸರೆಯಾದೆ ಹೆಮ್ಮರದಂತೆ ಬಳಿ ನಿಂತು
ಕುಬೇರನ ಸಿರಿಯಂತೆ ಅಕ್ಷಯವಾಗಲಿ ನಮ್ಮಯ ಒಲವಿನ ಕಂತು
ಕನಸಲಿ ಕಂಡ ಒಲವಿನ ಸಿರಿಯನು ನನಸಲಿ ತಂದೆ ನೀನು
ವಸಂತ ಕಾಲದ ಹರುಷವ ತಂದೆ ಎಂದೆಂದಿಗೂ ಎನಗೆ ನೀನು
ಸನಿಹ ಸನಿಹ ಸವಿಯೋ ಸಮಯ ..........ಹೃದಯ ಹಾಡಿದೆ ಹೊಸತು ರಾಗ
ನವ ಪಲ್ಲವಿಯೋ ಹಿತ ಅನುಭವೋ ..........ಮಧುರಾಮೃತವೋ, ಏನೋ ನಾನರಿಯೇ