ನಮ್ಮ ನಡುವೆ ಭೂಮಿಯು ಎಷ್ಟೇ ಅಂತರವಿರಲಿ
ಪತ್ರ ಮಾಧ್ಯಮ ನಿರಂತರವಾಗಿರಲಿ
ಓಲೆ ಮುಖೇನ ತಿಳಿಯ ಬಯಸುವ ವಿಚಾರ
ಮನಕೆ ಆಹ್ಲಾದ ನೀಡುವ ಶಿಷ್ಟಾಚಾರ
ಸಂತೈಸುವ ಹಿತ ನುಡಿಗಳ ಪತ್ರದ ಕಂತು
ಭರಿಸುವುದು ಮನದಲಿ ಮೂಡಿದ ನೋವ
ಗೆಳೆಯನ, ಗೆಳತಿಯ ಸ್ನೇಹದ ಸವಿ ಮಾತು
ತರುವುದು ಮನಕೆ ಹಿತಕರ ಅನುಭವ
ನನ್ನ ನಿನ್ನ ಈ ಸ್ನೇಹದ, ಓಲೆಗಳ ವಾಹಿನಿ
ಹರಿಯಲಿ ನಿರಂತರವಾಗಿ ಧಾರಾವಾಹಿನಿಯಂತೆ
ವಿನೋದದ ವಿಲಾಸದ ಆತ್ಮೀಯ ಮನರಂಜನಿ
ಮರೆಸಲಿ ಮನದಲಿ ಅಡಗಿದ ದುಗುಡ ಚಿಂತೆ
Subscribe to:
Post Comments (Atom)
No comments:
Post a Comment