ಐಟಂ ಗೀತೆ -೪

ಕುಂಟಾಟ ಓಡಾಟ ಎಲ್ಲಾನು ಬಿಟ್ಟಾಯ್ತು
ಚೆಲ್ಲಾಟ ಮುದ್ದಾಟ ಬರಿ ಅದನೆ ಕಲೆತಾಯ್ತು
ಆಸೆಯ ಮೊಗ್ಗಿಂದು ಅರಳಿದ ಹೂವಾಯ್ತು
ಚಿಗುರಿನ ವಾಯಸಿಂದು ಬಲಿತ ಹೆಮ್ಮರವಾಯ್ತು
ಏನಿದು ನನಗಾಯಿತು, ನನಗೆನೇನೋ ಆಗೆ ಹೂಯ್ತು

ಬಣ್ಣದ ಚಿತ್ತಾರ ಮನದಲ್ಲಿ ಮೂಡಾಯ್ತು,
ಪ್ರೇಮದ ಆಸರೆ ಅನುದಿನವು ಹೊಸದಾಯ್ತು
ಬಾಬಾರೋ ನನ್ನ ನಲ್ಲ ನಿನ್ನ ಮೇಲೆ ಮನಸಾಯ್ತು,
ನಂದೆಲ್ಲ ನಿನಗೀಗ ಒಲವಿನ ಮುಡಿಪಾಯ್ತು
ಏನಿದು ಜ್ವರವೇರಿತು, ನನಗೀಗ ನಷೆಯಾಯಿತು

ಬಿಟ್ಟರೆ ಸಿಗದಿನ್ನೆಂದು ಇಂತಹ ಆನಂದ,
ಹಿಡಿ ಹೊನ್ನು ಸಿಕ್ಕಹಂಗೆ ಸಿಕ್ಕರೆ ನನ್ನ ಚೆಂದ
ಬಿಡಬೇಡ ಸಿಕ್ಕಾಗ ಮುಡಿಪಿನ ಮಕರಂದ,
ಮತ್ತಿನ ಹೊಳೆಯಂತೆ ಚೆಲುವಿನ ನನ್ನ ಅಂದ
ಏನಿದು ನಿನಗೆನಾಯಿತು, ನನ್ನಾಸೆ ನಿನಗೆ ಹೆಚ್ಚಾಯಿತು

ಯುಗಳ ಗೀತೆ ೧೧

ಓ........... ಪ್ರೇಮ ನೀನೇಕೆ ಹೀಗೆ ಕಲ್ಲಾಗಿರುವೆ
ಮನದನ್ನೆ ಹೋದಂದೆ ನೀ ಮಿಡಿಯದಾಗಿರುವೆ
ಜೊತೆಗಾರ್ತಿಯಾ ಅಗಲಿ ಹೇಗೆ ನಾ ಬದುಕಿರಲಿ ............ಹೇಳು ಹೇಳು ನೀ ಹೇಳು

ಸಂಕಟದ ಮಡುವಲ್ಲಿ ಮನೆ ಮಾಡಿ ನೋವಿಗೆ ಅಂಜಿದೊಡೆ ಜೀವ ನಲುಗದಿರದೆ ಹೇಳು
ಚಿಂತೆಯ ಚಿತೆಯಲ್ಲಿ ಸುಡುವಾಗ ಮನಸಿ೦ದು ನರಳಾಡದೆ ನನಗಿಂದು
ಬೇಡವೆಂದರೂ ಬರುವುದು ಮನಕೆ ವಿಷಾದ - ಬೇಕೆಂದರು ಸಿಗದು ಮನಕೆ ಉಲ್ಲಾಸ
ಜೊತೆಗಾರ್ತಿಯಾ ಅಗಲಿ ಹೇಗೆ ನಾ ಬದುಕಿರಲಿ ............ಹೇಳು ಹೇಳು ನೀ ಹೇಳು
ಓ........... ಪ್ರೇಮ ನೀನೇಕೆ ಹೀಗೆ ಕಲ್ಲಾಗಿರುವೆ
ಮನದನ್ನೆ ಹೋದಂದೆ ನೀ ಮಿಡಿಯದಾಗಿರುವೆ

ದುಗುಡದ ನಗರಕ್ಕೆ ಒಡೆಯನಾಗಿಸಿ ನನ್ನ , ಶತಮಾನದ ನೋವನ್ನು ಮುಡಿಪಾಗಿಸಿ ನನಗೆ
ದೂರದ ಊರಿಗೆ ಪಯಣವ ಬೆಳೆಸುತ್ತ ತೊರೆದೆನ್ನ ಮಿಲನವನು ಕಡೆಗಣಿಸಿದೆ ನೀನಿಂದು
ಎನ್ನ ಆಸೆಗೆ ಒಲಿದು ಬರಲಾರೆಯ ನೀನಿಂದು - ಕೂಗಿದರು ಕೇಳಿಸದೆ ಎನ್ನ ಕರೆ ನಿನಗಿಂದು
ಜೊತೆಗಾರ್ತಿಯಾ ಅಗಲಿ ಹೇಗೆ ನಾ ಬದುಕಿರಲಿ ............ಹೇಳು ಹೇಳು ನೀ ಹೇಳು
ಓ........... ಪ್ರೇಮ ನೀನೇಕೆ ಹೀಗೆ ಕಲ್ಲಾಗಿರುವೆ
ಮನದನ್ನೆ ಹೋದಂದೆ ನೀ ಮಿಡಿಯದಾಗಿರುವೆ


ನೋವು ದುಖ ಹತಾಶೆ ದುಗುಡ ಸಂಕಟ

ಐಟಂ ಗೀತೆ ೩

ನಲ್ಲನೆ ಸವಿ ನಲ್ಲನೆ ಹಿತ ನೀಡು ಬಾ ನೀ ಮೆಲ್ಲನೆ
ಕಳ್ಳನೇ ನೀ ಕಳ್ಳನೇ ಮನವನ್ನು ಕದ್ದೆ ನೀ ಮೆಲ್ಲನೆ
ನಲ್ಲನೆ ಸವಿ ನಲ್ಲನೆ ಹಿತ ನೀಡು ಬಾ ನೀ ಮೆಲ್ಲನೆ
ಕಳ್ಳನೇ ನೀ ಕಳ್ಳನೇ ಮನವನ್ನು ಕದ್ದೆ ನೀ ಮೆಲ್ಲನೆ
ಅಹಾ ನಲ್ಲನೆ ಸವಿ ನಲ್ಲನೆ

ಮುದ ನೀಡದೆ ಈ ರಂಜನೆ
ಮನದಾಳಕೆ ನಿನ್ನ ಕೆಣಕದೆ ನಾ ಬಿಡುವೆನೆ
ನನ್ನ ಅಂದ ಚೆಂದಕ್ಕೆ ನಿನ್ನ ಆಸೆ ತಂದಿತ್ತ
ಹಸಿ ಬಿಸಿ ತುಮುಲವನು ನಾ ಅರಿಯೆನೆ
ಅಹ ನಲ್ಲನೆ ಸವಿ ನಲ್ಲನೆ ಹಿತ ನೀಡು ಬಾ ನೀ ಮೆಲ್ಲನೆ
ಕಳ್ಳನೇ ನೀ ಕಳ್ಳನೇ ಮನವನ್ನು ಕದ್ದೆ ನೀ ಮೆಲ್ಲನೆ

ಅನುರಾಗ ಬಯಸಿದೆ ನಿನ್ನನೆ
ಬರಿ ಪ್ರೇಮಕೆ ಹಿತ ಮಾತಿಗೆ ನಾ ಒಲಿವೆನೆ
ನನ್ನ ಒನಪು ವೈಯಾರ ಯೌವನದ ಮೈಭಾರ
ಸವಿಯಲು ಬಾರೋ ನೀ ಬೇಗನೆ
ಅಹ ನಲ್ಲನೆ ಸವಿ ನಲ್ಲನೆ ಹಿತ ನೀಡು ಬಾ ನೀ ಮೆಲ್ಲನೆ
ಕಳ್ಳನೇ ನೀ ಕಳ್ಳನೇ ಮನವನ್ನು ಕದ್ದೆ ನೀ ಮೆಲ್ಲನೆ